ಖುಶಿ

ಮಳೆ ಬಂದ ಖುಶಿ ಇಲ್ಲ,
ಉರಿ ಬಿಸಿಲ ಧಗೆಯಿಲ್ಲ
ದಿನವಿಡೀ ಕುಳಿತು ಕೀ ಕುಟ್ಟುವವಗೆ
ಜೀವನದ ರುಚಿಯಿಲ್ಲ ತಂತ್ರಜ್ಞ

ಮ್ಯಾನೇಜರ್

ಕಾಪಿ ಮಾಡಲು ಕಲಿತು, ಪೇಸ್ಟು ಮಾಡಲು ಮರೆತು
ಕಟ್ಟು ಕಾಪಿಯಲಿ ಕಂಫ್ಯೂಸು ಆಗುತಿರೆ
ಎಡಿಟರ್ರು ಬದಿಗಿಟ್ಟು ಔಟ್ ಲುಕ್ಕು ತೆರೆದಿಟ್ಟು
ಮ್ಯಾನೇಜರಾಗೆಂದ ತಂತ್ರಜ್ಙ

ವೀಕೆಂಡು

ವೀಕೆಂಡು ಬಂತೆಂದು ಹುಚ್ಚೆದ್ದು ಕುಣಿಯದಿರಿ
ಸೆಕೆಯಲ್ಲಿ ಬಳಲಿ ಬಾಯಾರಿ ಬಸವಳಿವ
ವೀಕೆಂಡಿಗಿಂತ ವೀಕ್ ಡೇನೆ ಹಿತವೆಂದ ತಂತ್ರಜ್ಞ

ಬಗ್

ಬಗ್ ಬಗ್ಗೆಂದು ಯಾಕೆ
ಬೆನ್ನು ಬೀಳುವಿರಿ,
ಬಗ್ಗಲ್ಲವೋ ಅದು
ಹೊಸಾ ಫೀಚರ್ರು ನೋಡೆಂದ ತಂತ್ರಜ್ಞ

ಏಸಿ..

ಏಸಿಯಲಿ ಕೂತವಗೆ
ಬೇಸಗೆಯ ಬಿಸಿಯಿಲ್ಲ,
ಬಿಸಿಲಲ್ಲಿ ಬೇಯುವವ‌ಗೆ
ಏಸಿಯ ಹಂಗಿಲ್ಲ ತಂತ್ರಜ್ಞ...