ಬೈಕು ಯಾವುದೇ ಇರಲಿ
ಡಿಸ್ಕು ಬ್ರೇಕೇ ಇರಲಿ
ಖಾಲಿ ರೋಡಿನ ನಡುವೆ
ಹಡಬೆ ಕುನ್ನಿಯು ಬರಲು
ಕಾಲು ನಡುಗುವುದನ್ನು
ಬೆನ್ನು ಬೆವರುವುದನ್ನು
ತಡೆಯುವುದುಂಟೇ - ತಂತ್ರಜ್ಞ

ಗಡ್ಡ

ಕೆತ್ತಿದರೆ ಉರಿಯುವ ಬಿಟ್ಟರೆ ತುರಿಸುವ
ಗಡ್ಡವಿದ ಬಿಟ್ಟು ಕೆಟ್ಟವರಿಲ್ಲ
ಕೆಟ್ಟು ಬಿಡದವರಿಲ್ಲ - ತಂತ್ರಜ್ಞ

ದ್ವಿವಿಧಗಳು - 2

ಆಟೋ ಓಡ್ಸೋರಲ್ಲಿ 2 ವಿಧ:
1) ಕೆಟ್ಟದಾಗಿ ಓಡ್ಸೋರು
2) ಸರಿಯಾಗೆ ಓಡ್ಸೋರು.
ನಮ್ಮ ಬ್ಯಾಡ್ ಲಕ್ ಬಜಾಜ್ ಆಟೋ ಬರೋದ್ಕಿಂತ ಮೊದ್ಲೇ 2ನೇ ವಿಧದವರು ರಿಟೈರ್ಡ್ ಆದ್ರಂತೆ..

ದ್ವಿವಿಧಗಳು - 1

ಬೈಕ್/ಸ್ಕೂಟರ್ ತಗೋಳ್ಳೋರಲ್ಲಿ 2 ವಿಧ:
1) ಓಡಾಡಬಹುದು ಅಂತ ಕೆಲವರು
2) ಹಾರ್ನ್ ಮಾಡಬಹುದು ಅಂತ ಹಲವರು

ಮೊದಲ ನೋಟದಿ ಕಂಡೆ
ನಿನ್ನ ಮುಖ ಚಂದ್ರವ‌
ಬೆರಗುಗಣ್ಣಲಿ ನೋಡಿ
ನಗುವ ನಿನ ಛ‍ಂದವ

ಮುದ್ದು ಮುಖದಲಿ ಬೆರೆತ‌
ಹೊಳೆವ ಮೃದು ಕೆನ್ನೆಯ‌
ಮೌನದಲ್ಲಿಯೇ ಮುಳುಗಿ
ಸೆಳೆವ ನಿನ ಜಾಣ್ಮೆಯ

ತಂಪು ಬೆಳದಿಂಗಳ‌
ತಂದೆ ಬಾನಿನಲಿ
ಮರುಳಾದೆ ನಾನಿನಗೆ
ಮೊದಲ ಸವಿ ಘಳಿಗೆಯಲಿ

ಅಪ್ಪಿಕೊಳಲೇ ನಿನ್ನ
ಮುತ್ತು ಕೊಡಲೇ ಒಂದು
ಮಲಗಿರುವ ತೊಟ್ಟಿಲನು
ಬಳಸಿ ಬಂದು.....

ಅಡಿಯಾಳು

ಅಡಿಯಾಳು ಆದವನು
ಮೊಗವೆತ್ತಿ ನಗಬಹುದೆ
ನಕ್ಕರೂ ಅದ‌ ಗ್ರಹಿಸುವ
ಜಗವಿಹುದೇ - ತಂತ್ರಜ್ಞ

ಹುಳುಕು

ಮುಚ್ಚಿಟ್ಟ ಕೆಂಡವದು
ಹೊಗೆಯನುಗುಳದಿರಬಹುದೆ
ಬೆಳೆಸಿದಾ ಹುಳುಕು ಕೆಡುಕಾಗಿ
ಪರಿಮಳವ ಸೂಸುವುದೆ ‍- ತಂತ್ರಜ್ಞ